తిరుపతి మహేష్

Posts

3 రోజుల వరుస సెలవులు... ముగిశాయి

- June 29, 2026

మూడు రోజుల వరుస సెలవులు రాకముందు, దాదాపు వారం రోజుల నుంచే ఈ మూడు రోజుల సెలవులను ఉపయోగించుకుని ఎక్కడికైనా వెళ్లాలని అనుకున్నాను. కానీ దురదృష్టవశాత్తూ ఎక్కడికీ వెళ్లలేకపోయాను. గురువారం సాయంత్రం బ్యాంక్ నుంచి నేరుగా నేను ఎప్పుడూ వెళ్లే కేటీ రోడ్‌లోని ఒక సెలూన్‌కు వెళ్లాను. తలనొప్పిగా ఉండటంతో సాగర్ అన్న చేతుల మీదుగా మంచి హెడ్ మసాజ్ చేయించుకుని, రాత్రి 7 గంటల సమయంలో ఇంటికి వచ్చాను. ఆ రోజు భోజనం చేసి పడుకున్నాను. శుక్రవారం ఉదయం 10 గంటలకు నిద్రలేచాను. ఎక్కడికీ వెళ్లకపోవడంతో ఈ మూడు రోజుల సెలవులను వృథా చేస్తున్నానేమో అనిపిస్తూ కొంచెం బాధగా అనిపించింది. అప్పుడే నా బాబాయి కొడుకు వాసు ఫోన్ చేసి, ప్రస్తుతం తాను చదువుతున్న The Old Man and His God పుస్తకంలోని శ్రీమతి సుధా మూర్తి గారు రాసిన రెండు కథలను నాకు చెప్పాడు. వాసు చెప్పిన ఆ రెండు కథలను చదవడానికి గూగుల్‌లో వెతికాను. కానీ ఎక్కడా దొరకలేదు. తర్వాత యూట్యూబ్‌లో ఒక మహిళ ఆ రెండు కథలను చదివి అప్‌లోడ్ చేసిన వీడియోలు కనిపించాయి. Two Faces of Poverty మరియు Mother's Love అనే ఆ రెండు కథలను యూట్యూబ్‌లో ఒక్కో లైన్ శ్రద్ధగా వింటూ వెళ్లాను. ఆ రెండు కథలు నా ...

4 సంవత్సరాలు...

- June 24, 2026

సరిగ్గా నాలుగు సంవత్సరాల క్రితం, ఈరోజు... 2022 జూన్ 24, శుక్రవారం — తిరుత్తణి SBI బ్రాంచ్‌లో నా చివరి దినం. దానికి ముందు రోజు, 2022 జూన్ 23 గురువారం ఉదయం, నేను కౌంటర్‌లో పని చేస్తుండగా ఎన్నో సంవత్సరాలుగా ఎదురుచూస్తున్న వార్త తెలిసింది. నాకు Inter-Circle Transfer మంజూరైందని తెలిసింది. ఆ వార్త విన్న క్షణం నా ఆనందానికి అవధులు లేకపోయాయి. ఎన్నో సంవత్సరాలుగా ఎదురుచూస్తున్న కోరిక నెరవేరింది. వెంటనే నా తల్లిదండ్రులకు, స్నేహితులకు ఫోన్ చేసి ఆ శుభవార్తను పంచుకున్నాను. ఆ రోజు గురించి నేను "పరమానందం... జూన్ 23, 2022 " అనే Title ‌తో నిన్న ఒక బ్లాగ్ కూడా రాశాను. ఎవరైనా ఆ బ్లాగ్ చదవకపోతే, ఒకసారి చదవండి. 2022 జూన్ 24 శుక్రవారం సాయంత్రం, నేను అధికారికంగా తిరుత్తణి బ్రాంచ్ నుంచి రిలీవ్ అయ్యాను. బ్రాంచ్ మేనేజర్ నా కోసం చిన్న వీడ్కోలు కార్యక్రమాన్ని ఏర్పాటు చేశారు. తిరుత్తణిలో నాకు తెలిసిన చాలామంది ఆ కార్యక్రమానికి హాజరయ్యారు. ఆ వీడ్కోలు కార్యక్రమం నా జీవితంలో అత్యంత భావోద్వేగభరితమైన, ఎప్పటికీ మర్చిపోలేని క్షణాల్లో ఒకటి. ఆ రోజు రాత్రి తిరుత్తణి బ్రాంచ్ నుంచి బయటకు వచ్చిన తర్వాత, ఇక నా జీవితం సు...

పరమానందం... జూన్ 23, 2022

- June 23, 2026

నాకు ఏడేళ్ల వయసు ఉన్నప్పుడు, నా తల్లిదండ్రులు నన్ను చెన్నైలోని ఒక ప్రత్యేక అంధుల పాఠశాలలో చేర్పించారు. ఒకటో తరగతి నుంచి పన్నెండో తరగతి వరకు మొత్తం 12 సంవత్సరాలు నేను చెన్నైలో హాస్టల్‌లో ఉంటూ చదువుకున్నాను. 2009 మార్చిలో Plus Two Public Exams రాసి, "ఇకపై తమిళనాడు వైపు తిరిగి వెళ్లకూడదు... తిరుపతిలోనే ఉండాలి" అని గట్టిగా నిర్ణయించుకుని చెన్నై నుంచి తిరుపతికి వచ్చిన నేను... తిరుపతిలో BA, B.Ed మరియు MA పూర్తి చేశాను. ఆ తర్వాత 2016 ఏప్రిల్‌లో SBI విడుదల చేసిన Clerk Notification ‌కు తమిళనాడులో దరఖాస్తు చేసి, పరీక్షలో ఉత్తీర్ణత సాధించాను. అదే సంవత్సరం డిసెంబర్ 19న State Bank of India లో ఉద్యోగంలో చేరాను. నా మొదటి పోస్టింగ్ తిరుత్తణి SBI Main Branch ‌లో రావడంతో, 2016 డిసెంబర్ 26 సోమవారం ప్రారంభమైన నా ప్రయాణం... ప్రతిరోజూ ఉదయం తిరుపతి నుంచి తిరుత్తణికి, సాయంత్రం తిరుత్తణి నుంచి తిరుపతికి మొత్తం 140 కిలోమీటర్ల ప్రయాణం. రోజుకు దాదాపు నాలుగు గంటల ప్రయాణ సమయం. అలా ఐదున్నర సంవత్సరాల పాటు నిరంతరంగా సాగిన నా ప్రయాణ జీవితానికి విముక్తి లభించిన రోజు... జూన్ 23, 2022. నాలుగు సంవత్సరాల క్రితం ఇద...

ఒక ముఖ్యమైన విషయం చెప్పడం మర్చిపోయాను...

- June 22, 2026

నిన్న సాయంత్రం నేను రాసిన నాయొక్క Income Tax Filing అయిపోయింది... మీది? Blog Publish చేసిన తర్వాత ఒక విషయం గుర్తొచ్చింది. ఆ విషయం గురించి కచ్చితంగా రాయాలని అనుకున్నాను. ఎలాగో ప్రస్తుతం Income Tax Filing Season కాబట్టి, దానికి సంబంధించిన కొన్ని Blogs వరుసగా రాయాలని అనుకుంటున్నాను. కాబట్టి గుర్తొచ్చిన ఆ విషయం గురించి కూడా కుదిరినప్పుడు రాద్దాం అనుకున్నాను. అది దేని గురించి అంటే... --- మీ దగ్గర 80 లక్షలు ఉన్నాయని అనుకుందాం. ఆ డబ్బును మీరు ఏదో ఒక Bank లో Fixed Deposit చేసి, ప్రతి నెల Interest మీ Savings Account లో పడేలా ఏర్పాటు చేశారని అనుకుందాం. Bank కి Income Tax Department ఏమి చెబుతుందంటే... ఎవరైతే Customer Fixed Deposit చేశారో, వారికి Bank ఇచ్చే Interest సంవత్సరం మొత్తానికి కలిపి, 60 సంవత్సరాల లోపు ఉన్నవారికి సంవత్సరానికి 50,000 కంటే ఎక్కువ Interest వస్తే, ఆ Interest పై 10% TDS పట్టుకుని, మిగతా డబ్బును ప్రతి నెల Savings Account లో వేయాలని చెబుతుంది. అదే 60 సంవత్సరాలు పైబడిన Senior Citizens కి సంవత్సరానికి లక్ష కంటే ఎక్కువ Interest వస్తే, ఆ Interest పై 10% TDS పట్టుకుని, మిగతా డబ్బును వ...

నాయొక్క Income Tax Filing అయిపోయింది... మీది?

- June 21, 2026

నిన్న Income Tax ITR Filing గురించి ఒక బ్లాగ్ రాశాను. ఎవరైనా ఆ బ్లాగ్ చదవకపోతే, ఒకసారి ఇక్కడ Click చేసి ఆ బ్లాగ్ చదివిన తర్వాత ఈ బ్లాగ్‌ను చదవడం కొనసాగించండి. మన దేశంలో ఉద్యోగులు Private అయినా, Government అయినా, వారి ఆదాయాన్ని బట్టి ముందుగానే Employer Income Tax ను Deduct చేస్తారు. ఆ తర్వాత ప్రతి సంవత్సరం June–July నెలల్లో Income Tax Return (ITR) e-Filing చేసుకోవాలి. ఉద్యోగులు చెల్లించే Income Tax ను Direct Tax అంటారు. మన దేశ జనాభా దాదాపు 146 కోట్లు ఉంటే, అందులో కేవలం 6 శాతం మంది మాత్రమే, అంటే సుమారు 8 కోట్ల మంది మాత్రమే Income Tax Return File చేస్తున్నారు. వీరు మాత్రమే కాదు, చిన్న చిన్న వ్యాపారులు మొదలుకుని Reliance, Tata, Adani వంటి పెద్ద Corporate సంస్థలు కూడా Income Tax Return File చేయాలి. మీరు ఏదైనా సంస్థలో ఉద్యోగం చేస్తున్నట్లయితే, మీ జీతం, Bonus, Incentive లేదా మీకు వచ్చిన ప్రతి రూపాయి ఆదాయాన్ని లెక్కకట్టి, దానికి సంబంధించిన TDS ను ప్రతి నెల జీతం నుంచే Deduct చేసి, మీ Employer Income Tax Department కు చెల్లిస్తారు. అంతేకాకుండా మీకు వచ్చిన ఇతర ఆదాయాలను కూడా Income Tax Return File...

ITR Filing సీజన్ మొదలైంది... Income Tax Portal లో Login అయ్యి చూసారా?

- June 20, 2026

ఈ నెల మొదటి వారం నుంచి నాకు Income Tax ITR Filing కి సంబంధించిన కాల్స్ ఫ్రెండ్స్ నుంచి రావడం మొదలైంది. ఎప్పుడూ నేనే Income Tax Filing కి సంబంధించిన విషయాల్లో ఆసక్తి చూపించే వాడిని. ఈసారి మాత్రం అంత ఆసక్తి లేదు. కానీ ఈసారి నా ఫ్రెండ్స్‌లో కొంతమందికి నాకన్నా ముందే ఆ ఆసక్తి వచ్చినట్టుంది. వారం క్రితం కాల్ చేసి అడిగిన వాళ్ల కోసం Income Tax Portal లో ఈరోజు Login అయ్యి చూశాను. 2025–26 ఆర్థిక సంవత్సరానికి సంబంధించిన వివరాలు వెబ్‌సైట్‌లో Update అయ్యాయా అని చూస్తే Update అయ్యి ఉన్నాయి. గత సంవత్సరం మాదిరిగా ITR Filing Due Date ను September 15 వరకు ముందే పొడిగించినట్టు ఈసారి ఎలాంటి Announcement లేదు. అందువల్ల ఈసారి July 31 లోపే ITR File చేయాలి. Employees కి Form 16 కొన్ని సంస్థల్లో మాత్రమే ప్రస్తుతం ఇచ్చారు. ఇంకా చాలా సంస్థల్లో ఇవ్వలేదు. అయినా ముందులా Form 16 పక్కన పెట్టుకుని Income Tax File చేయాల్సిన అవసరం పెద్దగా లేదనిపిస్తోంది. కారణం — ఇప్పుడు చాలా మంది New Regime లోనే File చేస్తున్నారు. అందులో Exemptions మరియు Deductions ఎక్కువగా ఉండవు. ఏదో ఒకటి రెండు ఉన్నా అవి కూడా అందరికీ applicable కావు. క...

వాసు చెప్పిన సినిమా... పదేపదే గుర్తొచ్చిన ఒక అమ్మాయి

- June 14, 2026

ప్రతిరోజూ బ్యాంకులో ఉన్నప్పుడు ఎప్పుడెప్పుడు వీకెండ్ వస్తుందా అని ఎదురుచూస్తూ ఉంటాను. అది కూడా రెండో శనివారం లేదా నాలుగో శనివారం ఆదివారంతో కలిపి సెలవులు వస్తే, ఆ వీకెండ్‌లో ఏమి చేయాలా అని ముందుగానే ఆలోచించడం మొదలుపెడతాను. ఎక్కడికైనా వెళ్లాలని అనిపిస్తుంది. కానీ చాలా సార్లు అది ఆలోచనగానే మిగిలిపోతుంది. చివరికి ఇంట్లోనే ఉండిపోతాను. ఈ వారం కూడా అలాగే జరిగింది. శుక్రవారం సాయంత్రం వరకు ఎక్కడికైనా వెళ్లాలి అనిపించింది. చివరికి ఎక్కడికీ వెళ్లకుండా ఇంట్లోనే ఉండిపోయాను. నిన్న రెండో శనివారం కావడంతో బ్యాంక్‌కి సెలవు. ఉదయం ఎనిమిదిన్నర సమయంలో మెలకువ వచ్చి నిద్రలేచాను. 9 గంటల సమయంలో బాబాయి కొడుకు వాసు ఫోన్ చేశాడు. తాను ఒక సినిమా చూస్తున్నానని చెప్పి, ఆ సినిమా పేరు చెప్పాడు. ఆ సినిమా పేరు నేను అంతకుముందు ఎప్పుడూ వినలేదు. సాధారణంగా నేను కొత్తగా విడుదలయ్యే సినిమాల గురించి తెలుసుకుంటూ ఉంటాను. వాసు చెప్పిన సినిమా పేరు నాకు తెలియకపోవడంతో, ఏదో పాత సినిమా అయి ఉంటుందని అనుకున్నాను. తర్వాత యూట్యూబ్‌లో ఆ సినిమా ట్రైలర్ చూశాను. ట్రైలర్ సినిమా మీద ఆసక్తిని కలిగించింది. అందుకే గూగుల్‌లో ఆ సినిమా ఎప్పుడు విడు...

మనసులో జరుగుతున్న పోరాటం...

- June 12, 2026

బ్లాగ్ రాసి చాలా రోజులు అయింది. ఏదో ఒక విషయం గురించి రాయాలని అనుకుంటాను. కానీ laptop తెరిచి బ్లాగ్ రాయడం మొదలుపెడితే మాత్రం ఆసక్తి ఉండదు. ఆసక్తి లేకుండా ఏ పని చేసినా అందులో జీవం ఉండదు. చాలాసార్లు నేను బ్లాగ్ రాయాలని అనుకోవడం జరిగింది. కానీ laptop ఆన్ చేసి కూర్చుంటే ఉత్సాహం, ఆసక్తి కలగకపోవడంతో "రాయడం అవసరమా?" అనిపిస్తుంది. అంతటితో ఆ ఆలోచనను వదిలేసి వేరే పనులు చేసుకుంటాను. గత శనివారం నా తమ్ముడి మొదటి Marriage Anniversary వెళ్లింది . వారం ముందునుంచే జూన్ 6వ తేదీన ఒక బ్లాగ్ రాయాలని అనుకున్నాను. కానీ చివరకు ఆ బ్లాగ్ కూడా రాయలేకపోయాను. కానీ ఈరోజు ఉదయం లేవగానే, ఎలాగైనా ఏదో ఒకటి రాయాలి... అనిపించింది. అలా ఈ బ్లాగ్‌ను మొదలుపెట్టాను. గత కొన్ని వారాలుగా రోజంతా మానసికంగా అలసిపోయినట్టుగా అనిపిస్తోంది. ఎలాగోలా ఆ విషయాన్ని ఇతరులకు కనిపించకుండా మేనేజ్ చేస్తూ వస్తున్నాను. ప్రస్తుతం నేను ప్రతిరోజూ ఉదయం లేవడం, రెడీ అవ్వడం, టిఫిన్ తినడం, రాపిడో బుక్ చేసుకుని బ్యాంక్‌కు వెళ్లడం, సాయంత్రం అయ్యాక తిరిగి ఇంటికి రావడం... ఆ తర్వాత ఎలాగో యూట్యూబ్ చూస్తూనో, లేక ఎవరో ఒకరితో ఫోన్‌లో మాట్లాడుతూనో సమయం గడిచ...

కోవిడ్ సమయంలో కొనాల్సిన SBI షేర్లు... మిస్ అయిన ఒక మంచి అవకాశం..

- June 04, 2026

2022 మేలో ₹7.10 2023 మేలో ₹11.30 2024 మేలో ₹13.70 2025 మేలో ₹15.90 2026 మేలో ₹17.35 గత ఐదు సంవత్సరాల్లో SBI ఒక్కో షేర్‌కు డివిడెండ్ రూపంలో ఇచ్చిన మొత్తం ఇది. 2020 మార్చిలో కోవిడ్ కారణంగా SBI షేర్ ధర సుమారు ₹160 వరకు పడిపోయింది. ఆ సమయంలో పెద్ద మొత్తంలో పెట్టుబడి పెట్టి SBI షేర్లు కొనుగోలు చేసి ఉంటే, పెట్టుబడి పెట్టిన మొత్తానికి ఎన్ని షేర్లు వచ్చి ఉండేవో, ఆ షేర్లపై పై పేర్కొన్న డివిడెండ్ మొత్తం ప్రతి సంవత్సరం మే లేదా జూన్ నెలల్లో ఖాతాలో జమ అయ్యి ఉండేది. అంతేకాదు, ఆ సమయంలో ₹160 వద్ద ఉన్న SBI షేర్ ధర తర్వాత ₹1,234 వరకు పెరిగి, ప్రస్తుతం కూడా సుమారు ₹960 వద్ద కొనసాగుతోంది. ఒక పక్క షేర్ ధర పెరుగుతూ ఉండటం, ఇంకో పక్క ప్రతి ఆర్థిక సంవత్సరానికి ఒకసారి డివిడెండ్ రావడం... పెట్టుబడిదారులకు అది నిజంగా ఒక మంచి అనుభూతి అయి ఉంటుంది. 2025–26 ఆర్థిక సంవత్సరానికి సంబంధించిన SBI డివిడెండ్ ఈరోజు SBI షేర్లు కలిగి ఉన్న వారి ఖాతాల్లో జమ అయింది. అది చూసాక, షేర్ మార్కెట్‌పై అవగాహన నాకు చాలా ముందే వచ్చి ఉంటే బాగుండేదని అనిపించింది. 😔 — తిరుపతి మహేష్ 04/06/2026

ఒక వార్త... మళ్లీ ఎవరెస్ట్ గురించి ఆలోచింపజేసింది

- June 03, 2026

మూడో తరగతిలోనో, లేక నాలుగో తరగతిలోనో నేను చదువుతున్నప్పుడు సోషల్ సైన్స్ సబ్జెక్ట్‌లో మొదటిసారిగా హిమాలయాలు అనే పేరు విన్నాను. భారతదేశానికి ఉత్తరాన ప్రపంచంలోనే అతి పెద్ద, అతి పొడవైన మరియు అత్యంత ఎత్తైన పర్వత శ్రేణి హిమాలయాలు అని అప్పుడే మొదటిసారి తెలుసుకున్నాను. చిన్నప్పుడు ప్రతి వేసవి సెలవుల్లో మా తల్లిదండ్రులు మమ్మల్ని ఇంటి నుంచి కాలినడకన తిరుమల కొండకు తీసుకెళ్లేవారు. ఆ అనుభవం వల్ల కొండలు ఎలా ఉంటాయో కొంతవరకు ఊహించగలిగాను. అదే సమయంలో ఐదు మహాసముద్రాలు, ఏడు ఖండాలు, భారతదేశంలోని రాష్ట్రాలు మరియు వాటి రాజధానుల గురించి కూడా ఐదో తరగతికి ముందే తెలుసుకోవడం జరిగింది. అప్పటి నుంచే సోషల్ సైన్స్, ముఖ్యంగా భూగోళ శాస్త్రం పట్ల నాకు ప్రత్యేకమైన ఆసక్తి ఏర్పడింది. ఆ ఆసక్తే తర్వాత ప్రయాణాల పట్ల ప్రేమగా మారింది. --- హిమాలయాలు ప్రపంచంలోనే అత్యంత ఎత్తైన పర్వత శ్రేణి అని నాకు తెలుసు. అలాగే మౌంట్ ఎవరెస్ట్ ప్రపంచంలోనే అత్యంత ఎత్తైన శిఖరం అని కూడా చదివాను. అయితే పర్వత శ్రేణి (Mountain Range)కి, శిఖరం (Peak)కి మధ్య ఉన్న తేడా పూర్తిగా అర్థం కావడానికి నాకు చాలా సంవత్సరాలు పట్టింది. 2020లో కోవిడ్ సమయంలో తెలంగాణకు ...

ఈ మధ్య ఎందుకో...

- June 02, 2026

చెప్పాలంటే గత ఒక వారం నుంచి నా మానసిక ఆరోగ్య పరిస్థితి బాగోలేదు. I felt mentally exhausted. కారణం ఇదే అని ఏ ఒక్క దానిని చెప్పలేకపోతున్నాను. ప్రతిరోజూ ఉదయం లేవడం, బ్యాంక్‌కి వెళ్లడం, సాయంత్రం అయ్యాక ఇంటికి రావడం, ఆ తర్వాత ఇంట్లోనే ఆన్‌లైన్‌లో యోగా క్లాస్‌కు హాజరవడం, ఆ తర్వాత రాత్రి భోజనం చేసిన తర్వాత నిద్ర వచ్చే వరకు యూట్యూబ్ చూడడమో, ఏదో ఒకటి చదవడమో, లేక బ్లాగ్ రాయడమో చేస్తూ సమయం గడిపేవాడిని. ఇప్పుడు సాయంత్రం పూట యోగా class attend చేయాలన్నా ఉత్సాహం లేదు. బ్యాంక్‌లోనే నా mental energy అంతా drain అయిపోతోంది. నాకు బ్లాగులు రాయడం అంటే చాలా ఇష్టం. నాకు తెలిసిన విషయాన్నిగానీ, నాలోని భావాన్నిగానీ ఇతరులతో పంచుకోవడం ఒకరకమైన stress relief ‌గా ఉండేది. కానీ ఇప్పుడు blog రాయాలన్నా కూడా interest రావడం లేదు. I felt mentally and emotionally very low. ఈరోజు ఉదయం లేవగానే యూట్యూబ్‌లో చూసిన ఒక వీడియో నన్ను ఎంతో ఆలోచింపజేసింది. ఒక స్త్రీ కానీ, పురుషుడు కానీ ఎందుకు ఇంకొక వ్యక్తిని ఇష్టపడుతున్నారు? ప్రేమిస్తున్నారు? ఎందుకు తమ జీవితంలో కావాలని కోరుకుంటున్నారు? అనే ప్రశ్నలను ఆ వీడియో లేవనెత్తింది. "M...

ఆ విషయం నేను ఎలా మర్చిపోయాను...

- May 25, 2026

ఈరోజు బ్యాంక్‌లో మధ్యాహ్నం భోజనం తర్వాత నా కౌంటర్‌లో కూర్చొని ఉన్నప్పుడు, customers ఎవరూ లేనప్పుడు, ఏదో ఆలోచిస్తూ ఉంటే అప్పుడొక విషయం గుర్తుకు వచ్చింది... అది గుర్తుకు రాగానే... “ఆ విషయం గతవారం ఎందుకు నాకు గుర్తు రాలేదు?” అని ఆశ్చర్యం వేసింది. సాధారణంగా నాకు కాస్త జ్ఞాపకశక్తి (Memory Power) ఎక్కువ. చాలామంది అది దేవుడు ఇచ్చిన వరం అంటారు. కానీ నేను మాత్రం... Survival కోసం సహజంగానే నా మెదడు అలా తయారైందని చెబుతాను. --- గత సోమవారం కర్ణాటకలోని కుశాల్ నగర్ సమీపంలో, కావేరి నది ఒడ్డున ఉన్న డుబారే ఏనుగుల శిబిరంలో (Dubare Elephant Camp) ఒక విషాద ఘటన చోటుచేసుకుంది. డుబారే ఏనుగుల శరణాలయానికి విహారయాత్ర కోసం తన భర్త మరియు ఐదు సంవత్సరాల కూతురితో చెన్నైకి చెందిన 33 ఏళ్ల మహిళ వెళ్లడం జరిగింది. సాధారణంగానే ప్రతిరోజూ వందలాది టూరిస్టులు డుబారే ఏనుగుల శరణాలయానికి వెళ్లి అక్కడ ఏనుగులకు స్నానం చేయించడం, వాటికి ఆహారం పెట్టడం లాంటి activities చేస్తూ ఉంటారు. నేను కూడా ఈ సంవత్సరం జనవరిలో కూర్గ్‌ వెళ్లినప్పుడు, తిరుగు ప్రయాణంలో అక్కడికి వెళ్లాను. ఏనుగులకు ఎలా స్నానం చేయిస్తారో, టూరిస్టులు ఏనుగులకు ఎంత దగ్గరగ...

అనుకోకుండా ఒకరోజు హైదరాబాద్ ప్రయాణం... “2021 హైదరాబాద్ ప్రయాణ జ్ఞాపకాలు”

- May 24, 2026

2021 జనవరి చివరి వారం అనుకుంటా… నేను, నా తమ్ముడు చెన్నై ఎగ్మోర్ – కాచిగూడ ట్రైన్‌లో రేణిగుంట స్టేషన్ నుంచి హైదరాబాద్ వెళ్లడానికి చివరి స్టాప్ కాచిగూడ స్టేషన్ వరకూ టికెట్ బుక్ చేసుకొని ఒక శుక్రవారం రాత్రి ఎనిమిది గంటలకి రేణిగుంట రైల్వే స్టేషన్‌లో ట్రైన్ ఎక్కాము. 12 గంటల ప్రయాణం తర్వాత మరుసటి రోజు, శనివారం ఉదయం ఎనిమిదికి కాచిగూడ స్టేషన్‌లో దిగాము. కాచిగూడ ప్రాంతంలోనే ముందుగానే OYO రూమ్ ఒక రోజుకి బుక్ చేసుకొని ఉన్నాము. కానీ చెక్-ఇన్ సమయం మధ్యాహ్నం 12కి ఉన్నా early check-in option ఉందా అని ముందే కనుక్కొని రూమ్ బుక్ చేసుకొని ఉండడంతో కాచిగూడ స్టేషన్ నుంచి 5 నిమిషాల్లో హోటల్ చేరుకోగానే రూమ్‌కి వెళ్లిపోయాము. --- చిన్నప్పుడు ఎప్పుడో నేను మూడో క్లాస్ లేదంటే నాలుగో క్లాస్‌లో ఉండగా వేసవికాల సెలవుల్లో అప్పట్లో హైదరాబాద్‌లో చూడాల్సినవన్నీ చూసిన గుర్తు. ఆ తర్వాత హైదరాబాద్ వెళ్లినా ఏదో ఒక పని కోసం వెళ్లడం, పని ముగించుకొని వెంటనే తిరుపతి వచ్చేయడం జరుగుతుండేది. ఈసారి హైదరాబాద్ వచ్చిందీ ఎప్పుడో చిన్నప్పుడు చూసినవన్నీ గుర్తులేకపోవడంతో మళ్లీ కుదిరినవాటిని రెండు రోజుల్...

మూడో బిడ్డకు 30 వేలు.. నాలుగో బిడ్డకు 40 వేలు.. ఆంధ్రప్రదేశ్ ముఖ్యమంత్రి నారా చంద్రబాబు నాయుడు గారికి మైండ్ ఏమైనా దొబ్బిందా?

- May 20, 2026

అసలు నేను ఎప్పుడూ కూడా “గౌరవనీయులైన మన రాష్ట్ర ముఖ్యమంత్రి నారా చంద్రబాబు నాయుడు గారిని తిడతాను” అని కలలో కూడా అనుకోలేదు. నాకు ఆయనపై మంచి అభిప్రాయం ఉండేది. ఆయన విజన్ ఉన్న మనిషి అనుకునేవాడిని. కానీ రెండు రోజుల క్రితం నరసన్నపేటలో జరిగిన స్వర్ణాంధ్ర-స్వచ్చాంధ్ర కార్యక్రమంలో పాల్గొన్న ఆయన సంతానోత్పత్తి పెంచాల్సిన అవసరం గురించి ఉపన్యాసం చేయడం చర్చనీయాంశంగా మారింది. రాష్ట్రంలో వేగంగా పడిపోతున్న సంతానోత్పత్తి శాతం భవిష్యత్తులో తీవ్రమైన మానవ వనరుల కొరతకు, ఆర్థిక సంక్షోభానికి దారి తీస్తుందని బాబు గారు బాధపడుతున్నారు. జనాభా నియంత్రణ పథకాల బదులు జనాభా వృద్ధి శాతం పెంచాలని, దానికోసం population management policy తీసుకొచ్చి మూడో బిడ్డ పుట్టిన వెంటనే 30 వేల రూపాయలు ఇస్తామని, నాలుగో బిడ్డ పుడితే 40 వేలు ఇస్తామని సభాముఖంగా ప్రకటించారు. “పిల్లలు భారం అనుకోకూడదు… వాళ్లే సంపద” అని రాష్ట్రంలోని తల్లిదండ్రులను బాబు గారు కోరారు. ఈ విషయం ఈరోజు నాకు తెలిసిన వెంటనే నా లోపల తెలియని కోపం, ఆవేశం బాబు గారి మీద కలిగింది. బాబు గారు ప్రవేశపెట్టబోయే people management policy పై చాలా తీవ్ర వ్యతిరేకత కలిగింది. డాక్టర్లు, ...

ఒక అమ్మాయి అడిగిన ప్రశ్న

- May 18, 2026

నాకు తెలిసిన ఒక అమ్మాయి ఉంది. పది సంవత్సరాలకు పైగానే తనతో నాకు పరిచయం. నేను ఎస్‌వీ యూనివర్సిటీలో ఎం.ఏ చదివే రోజుల్లో పరిచయమైంది. ఎప్పుడో నెలకి ఒకసారి… లేక రెండు సార్లు… తనే కాల్ చేసి మాట్లాడేది. అది కూడా ఎక్కువగా ఆదివారం ఉదయం సమయాల్లోనే ఉంటుంది. నేనైతే చాలా అరుదుగానే తనకి కాల్ చేస్తాను. సడన్‌గా గత వారం శుక్రవారం సరిగ్గా సాయంత్రం ఆరు గంటలకి తన నుంచి నాకు కాల్ వచ్చింది. “హలో” అనగానే… తన ఆరోగ్యం బాగోలేదని అర్థమైపోయింది. “ఏమైంది?” అని అడిగేలోపే… రెండు మాటలు మాట్లాడేసి నాకు యోగా క్లాస్‌కి టైమ్ అవుతుండడంతో ఆ రోజు కాల్ కట్ చేశాను. --- మళ్లీ మొన్న శనివారం సాయంత్రం… అదే ఆరు గంటల సమయంలో కాల్ చేసింది. అప్పుడే నా మూవీ పార్ట్నర్ రూపు కుమార్ కాల్ చేసి “అపార్ట్‌మెంట్ కిందకి వచ్చేశాను” అని చెప్పాడు. ఆ సమయంలో ఇంట్లో ఎవరూ లేకపోవడంతో నేను ఇంటి మెయిన్ డోర్ లాక్ చేస్తున్న టైమ్‌లో తన నుంచి కాల్ వచ్చింది. కాల్ లిఫ్ట్ చేస్తే… “హలో మహేష్…” అనగానే ఇంకా తన ఆరోగ్యం కుదుటపడలేదని తన గొంతు వింటేనే తెలిసిపోయింది. నాకేమో ఆ రోజు మూవీకి వెళ్లాలి. కాబట్టి ఆ రోజూ కూడా తనతో సరిగా మాట్లాడలేకపోయాను. --- వారం క్రితం… చాల...

పెళ్లికి లక్షల్లో ఖర్చు పెడుతారు… కానీ కుటుంబం కోసం 500 రూపాయల ఇన్సూరెన్స్ మాత్రం భారంగా...

- May 12, 2026

రెండురోజుల క్రితం తిరుపతిలోనే నాకు తెలిసినవారి ఒక పెళ్లికి నేను అటెండ్ అయ్యాను. చాలా రోజుల తర్వాత మనసులో నిలిచిపోయే పెళ్లికి వెళ్లిన తృప్తి నాకు కలిగింది. అమ్మాయి సాఫ్ట్‌వేర్ ఇంజినీర్. అబ్బాయి ఆస్ట్రేలియాలో సెటిల్ అయ్యాడు. డబ్బులకు అమ్మాయి వైపు కానీ, అబ్బాయి వైపు కానీ ఎలాంటి లోటు లేదు. అనుకుని ఉంటే పెద్ద పెళ్లి మండపం బుక్ చేసి, డెకరేషన్‌కే లక్షలు ఖర్చు పెట్టి, ఒకరోజు కోసం లక్షల్లో ఖర్చు పెట్టి “మేము కూడా గ్రాండ్‌గా పెళ్లి చేసుకున్నాం” అని చూపించుకునే స్థోమత ఉన్నవాళ్లే. కానీ అలా చేయకుండా, సింపుల్‌గా ఒక చిన్న హాల్ సెలెక్ట్ చేసుకుని పెళ్లి జరిపించారు. అది నాకు చాలా బాగా నచ్చిన విషయం. గత పది, పదిహేను సంవత్సరాలుగా పెళ్లి అంటే గ్రాండ్‌గా చేయాలనే ఆలోచన ఎక్కువైపోయింది. డబ్బులు లేకపోయినా పర్సనల్ లోన్స్ తీసుకుని, రెండు రూపాయల వడ్డీ, మూడు రూపాయల వడ్డీకి అప్పులు చేసి పెళ్లిళ్లు చేసిన కథలు ఎన్నో నాకు తెలుసు. ఆ అప్పులు తీర్చడానికే వాళ్లు పడే తంటాలు కూడా నాకు తెలుసు. నిన్న ఉదయం బ్యాంకులో ఒక వ్యక్తిని కలిశాను. తన కొడుకి పెళ్లికి నాలుగేళ్ల క్రితం 15 లక్షలు ఖర్చు పెట్టారట. ఇప్పటికీ ఆ అప్పు పూర్తిగా తీరల...

నాకు అర్థం కాని ఒక విషయం…... ఆ రోజు SBI share ఎందుకు పడిపోయింది?

- May 10, 2026

ప్రతిరోజూ ఉదయం 9:45 కల్లా నేను బ్యాంక్‌కి వెళ్లిపోతాను. Computer login చేసిన వెంటనే నేను చేసే పని… ఆ రోజు stock market ఎలా ప్రారంభమైందో చూడటం. భారతీయ stock exchanges అయిన NSE మరియు BSE ల్లో 5000 కంటే ఎక్కువ కంపెనీలు ఉన్నా, నేను మాత్రం long-term investment point of view లో ప్రతిరోజూ selective ‌గా చూసే stocks ఐదు లేదా ఆరు మాత్రమే ఉంటాయి. అందులో మొదటి stock వచ్చి State Bank of India. దాని తర్వాత Tata Consultancy Services, Infosys, Wipro వంటి IT companies… ఆ తర్వాత కొన్ని pharmaceutical companies… ఇంకా మరికొన్ని కంపెనీలు ఉంటాయి. మొన్న శుక్రవారం ఉదయం, bank లో computer login అవ్వగానే ఎప్పటిలాగే share prices ఎలా ఉన్నాయో చూడటం జరిగింది. ఆ రోజు SBI share price సుమారు ₹ 1090 వద్ద trade అవుతూ ప్రారంభమైంది. అది చూసాక, కాసేపటికే నా counter కి customers రావడం మొదలవడంతో నా పనిలో busy అయిపోయాను. తిరిగి మధ్యాహ్నం lunch time లో market check చేద్దాం అనుకుని చూసేసరికి… ఉదయం ₹ 1090 వద్ద ఉన్న SBI share, మధ్యాహ్నానికి ₹ 1020 కంటే దిగువకు పడిపోవడం చూశాను. ఒక్కసారిగా “ఏమైంది SBI share కి? ఎందుకు ఇలా పడిపో...

ఈ కాలంలో ఎంతమంది తల్లులు అలా చెబుతారు?

- May 08, 2026

నాకు ఏడేళ్ల వయసు ఉన్నప్పుడు నా తల్లిదండ్రులు నన్ను చెన్నైలో ఒక స్పెషల్ స్కూల్లో మొదటి తరగతిలో చేర్పించారు. ఆ సమయానికి నాకు ఒక్క ముక్క కూడా తమిళం మాట్లాడటం రాదు. కానీ నాకు తెలియకుండానే తమిళం నేర్చుకుని, తమిళ మీడియంలోనే చదివి, Plus Two public exams ‌లో చదివిన స్కూల్లో నేనే school first వచ్చాను. 1200 మార్కులకు 1000 పైగా స్కోర్ చేశాను. సంవత్సరంలో దాదాపు పది నెలలు ఇంటి నుంచి దూరంగా హాస్టల్‌లోనే పెరిగాను కాబట్టి, నా చదువు గురించి ఇంట్లో వాళ్లు పెద్దగా ఏమీ మాట్లాడినట్టు గుర్తు లేదు. కానీ ఒక్కసారి మాత్రం… అది ఎనిమిదో లేక తొమ్మిదో తరగతి అయి ఉండొచ్చు. ఒక సోమవారం తెల్లవారుజామున, సెలవులు అయిపోయాక మళ్లీ స్కూల్‌కి వెళ్లడానికి తిరుపతి bus stand ‌లో చెన్నై వెళ్లే bus నన్ను ఎక్కించడానికి వెళ్తున్నప్పుడు… మొదటిసారి నా జీవితంలో నన్ను ఇంకొకరితో పోలుస్తూ… “వాళ్లను చూడు… చదివి ఉద్యోగం తెచ్చుకుని settle అయ్యారు. నువ్వూ బాగా చదవాలి… మంచి ఉద్యోగం తెచ్చుకోవాలి…” అని నా పెద్దనాన్న పిల్లలతో compare చేసి నాకు చెప్పడం జరిగింది. అంతే. ఆ తర్వాత చదువైనా… ఉద్యోగమైనా… నా జీవితానికి సంబంధించిన చాలా నిర్ణయాలు నేనే తీ...

ఆస్తి వచ్చింది… కానీ మనశ్శాంతి మాత్రం…

- May 06, 2026

తిరుపతిలో నాకు తెలిసిన ఒక అమ్మాయి ఉంది. మూడేళ్ల క్రితం తనకి 23 ఏళ్లు కూడా నిండలేదు. ఇంట్లో వాళ్లు “మంచి సంబంధం వచ్చింది” అని చెప్పి, వచ్చిన పెళ్లి సంబంధానికి ఆమె పెళ్లి చేసేశారు. ఆమె ఒక private bank లో నెలకు ₹25,000 జీతంతో పని చేస్తోంది. ఆమె భర్త Tech Mahindra లోనా, లేక Tata Consultancy లోనా పని చేస్తున్నాడో నాకు సరిగ్గా తెలియదు. ప్రస్తుతం Work From Home ఉండడంతో తిరుపతి నుంచి 35 km దూరంలో ఉన్న శ్రీకాళహస్తిలో వాళ్ల సొంత ఊరిలో ఉంటున్నారు. ఆ అమ్మాయి మాత్రం రోజూ తిరుపతికి వచ్చి వెళ్తోంది. సంవత్సరం క్రితం వారికి ఒక బాబు పుట్టాడు. ఊరిలో ఉండడానికి ఇప్పటికే రెండు ఇళ్లు ఉన్నా కూడా, “కొడుకు future కోసం” అని అనుకుని కొన్ని రోజుల క్రితం తిరుపతిలో 20 అంకణాల్లో ₹30 లక్షలకు ఒక ఇల్లు కొనారు. అది కూడా… ₹16 లక్షలు Personal Loan తీసుకుని, ఇంట్లో ఉన్న మొత్తం బంగారం బ్యాంకులో పెట్టి మరో ₹14 లక్షలు Gold Loan తీసుకుని… మొత్తం ₹30 లక్షలు చేసి ఇల్లు కొనేశారట. ఇప్పుడు ఆ ఇంటికి నెలకు ₹6,000 అద్దె వస్తోందట. తిరుపతిలో ఏదో స్థలం అయినా, లేక ఇల్లు అయినా ఉండాలని అనుకుని… తంటాలు పడి, చివరికి ఏదో ఒక చోట ఇల్లు కొనార...

Happy Birthday to My Dear…... ❤️

- May 03, 2026

నేను చెన్నైలో స్కూల్ చదివేటప్పుడు, ప్రతి ఆదివారం ఉదయం 10 నుంచి మధ్యాహ్నం 12 వరకు మాకు స్టడీ అవర్స్ ఉండేవి. ఆ స్టడీ అవర్స్‌లో బయట నుంచి చాలామంది వాలంటీర్లు వచ్చి, మాకు పుస్తకాలు చదివి వినిపించడం లాంటివి చేసేవారు. అలా ప్రతి వీకెండ్ చెన్నైలోని చాలా కంపెనీల నుంచి ఉద్యోగులు వాలంటీర్లుగా వచ్చి మాకు సహాయం చేసేవారు. కంపెనీలు మాత్రమే కాదు… కొంతమంది స్వచ్ఛందంగా — “సండే రోజు ఇంట్లో ఉండి ఏమి చేస్తాం?” అని స్కూల్‌కి వచ్చి మాతో టైమ్ గడిపేవారు. అలా నాకు పరిచయమైన వ్యక్తి — రిచర్డ్ రోసారియో. రిచర్డ్ సర్ అప్పట్లో చెన్నైలో ఒక గేమ్ డెవలప్మెంట్ ప్రాజెక్ట్‌లో పని చేసేవారు. ఆయనకు కంప్యూటర్ అసెంబుల్ చేయడం గురించి మంచి అవగాహన ఉందని తెలిసిన తర్వాత… ప్రతి ఆదివారం ఆయన స్కూల్‌కి వచ్చినప్పుడు, కంప్యూటర్ అసెంబ్లింగ్, హార్డ్‌వేర్ గురించి నాకు ఉన్న సందేహాలు అడిగి తెలుసుకునేవాడిని. ఆయన వల్లనే నాకు కంప్యూటర్ అసెంబ్లింగ్ మీద ఆసక్తి వచ్చింది. --- 2009 మార్చిలో ప్లస్ టూ బోర్డ్ ఎగ్జామ్స్ రాసి, పర్మనెంట్‌గా తిరుపతికి వచ్చాను. మొదటిగా నేను MS Office క్లాస్ జాయిన్ అయ్యాను. అప్పటి వరకు నాకు కంప్యూటర్ ఎలా వాడాలో ఏమాత్రం అవగాహన ల...

వెనక్కి వెళ్లిన అడుగులు… మళ్లీ మేల్కొన్న జ్ఞాపకాలు...

- April 27, 2026

నా స్కూలింగ్ మొత్తం 12 సంవత్సరాలు చెన్నై హాస్టల్‌లోనే గడిచిపోయింది. ప్రతి సంవత్సరం దీపావళి, సంక్రాంతి పండుగలు, అలాగే క్వార్టర్లీ, హాఫ్‌యర్లీ, సమ్మర్ సెలవులకే ఇంటికి వచ్చేవాడిని. ఆ సెలవుల్లో ముఖ్యంగా పండుగలు, వేసవి కాలంలో మాత్రం తప్పకుండా నా నేటివ్ విలేజ్‌కి వెళ్లేవాడిని. తిరుపతి నుంచి పిచ్చాటూరు–ఊతుకొట్ట–చెన్నై మార్గంలో, సుమారు 40 కిలోమీటర్ల దూరంలో ఉన్న నారాయణవనం మండలంలోని చిన్న గ్రామం — సముదాయం. అదే నా ఊరు. సమ్మర్ హాలిడేస్‌లో ఎక్కువ రోజులు అక్కడే గడిపేవాడిని. చిన్నప్పుడు ఊర్లో గడిపిన రోజులు నిజంగా ఎంతో ఆనందంగా ఉండేవి. 2009 మార్చిలో నేను చెన్నైలో ప్లస్ టూ పరీక్షలు రాసి తిరుపతికి వచ్చాను. అప్పటి నుంచి ఏప్రిల్, మే నెలల్లో ఊరికి వెళ్లడం క్రమంగా తగ్గిపోయింది. దానికి ప్రధాన కారణం — అదే సంవత్సరం జూన్‌లో మా ఇంట్లో నాకు కొనిచ్చిన కంప్యూటర్. ఆ కంప్యూటర్ నా ప్రపంచంగా మారిపోయింది. చిన్నప్పటి లాగా ఊరికి వెళ్లి వేసవి సెలవుల్లో సమయం గడపాలనే ఆసక్తి క్రమంగా తగ్గిపోయింది. దీపావళి, సంక్రాంతికి ఒకటి రెండు రోజులు వెళ్లి వచ్చేవాడిని. అంతకంటే ఎక్కువ రోజులు ఉండడం మాత్రం జరగలేదు. 2015లో మా నాయనమ్మ నగరి లక్ష్మ...

Curiosity నుంచి Confidence వరకూ… నా ITR Journey...

- April 25, 2026

2022 జూన్ చివరి వారంలో… నాకు తిరుత్తణి నుంచి తిరుపతికి ట్రాన్స్‌ఫర్ వచ్చింది. అదే సంవత్సరం జూలైలో… ఆగస్ట్ మొదటి వారంలో నేను, నా తమ్ముడు కలిసి నేపాల్ ట్రిప్‌కి వెళ్లే ముందు… ఒకరోజు మొదటిసారి తిరుపతిలో ఉన్న మా బంధువు, సీనియర్ ఆడిటర్ చంద్ర రెడ్డి అంకుల్‌ని కలిసి… నా తమ్ముడు Income Tax Return (ITR) filing గురించి మాట్లాడడానికి వెళ్లాం. ఆ ఏడాది due date ఆగస్ట్ 31 వరకు extend కావడంతో… మేము ట్రిప్‌కి ముందు ఫైల్ చేయలేదు. ఆగస్ట్ 13న (శనివారం) నేపాల్ ట్రిప్ నుంచి వచ్చాక… నేను, నా తమ్ముడు ఒకరోజు కలిసి మళ్లీ అంకుల్ ఆఫీస్‌కి వెళ్లాం. సాధారణంగా salaried employees లాగా… TDS refund కోసం నా తమ్ముడు Form 16 మాత్రమే తీసుకెళ్లాం. Form 16 తీసుకుని కంప్యూటర్‌లో వివరాలు చూస్తూ… అంకుల్ ఒక్కసారిగా ఒక ప్రశ్న అడిగారు: “నీ పేరుమీద ₹10 లక్షల కంటే ఎక్కువ Fixed Deposits ఉన్నాయా?” మేమిద్దరం ఒక్కసారిగా షాక్ అయ్యాం. అంకుల్‌కి ఇది ఎలా తెలుసు? నిజానికి… ఆ సమయంలో నా తమ్ముడు పేరుమీద ₹20 లక్షల FD లు ఉన్నాయి. అవి మా parents అతని పేరుమీద పెట్టినవే. ఆ FD ల నుంచి వచ్చే monthly interest కూడా వాళ్లే తీసుకునేవారు. కానీ… అంకుల్ ఏ బ...

తప్పు ఎవరిదైనా… చివరికి నష్టపోయేది మాత్రం...

- April 25, 2026

గత శనివారం… మూడవ శనివారం కావడంతో మాకు working day. ఆ రోజు ఉదయం ఎప్పటిలాగే నేను నా కౌంటర్ వద్ద పని చేసుకుంటూ ఉన్నాను. సుమారు ఉదయం 11:50 సమయంలో, ఒక్కసారిగా బ్రాంచ్‌లో గట్టిగా మాటలు వినిపించాయి. మా బ్రాంచ్ అకౌంటెంట్ సివప్రసాద్, గోల్డ్ అప్రైజర్ మురళి అన్న మధ్య మాటామాటలు జరుగుతున్నాయి. ఆ శబ్దం నా చెవిలో పడింది. “ఏం జరుగుతోంది?” అని నేను గమనించడానికి ప్రయత్నించాను. సాధారణంగా ఏ SBI బ్రాంచ్ అయినా గోల్డ్ లోన్స్ విషయంలో రోజుకు ఇంత మాత్రమే అనే పరిమితులు ఉండవు. అవసరానికి అనుగుణంగా ఎన్ని లోన్స్ అయినా ఇస్తారు. Non-home branch customers కి కూడా లోన్స్ ఇస్తారు. ఇన్ని రోజులు ఎలాంటి ఇబ్బంది లేకుండా… పని సజావుగా సాగుతూ వచ్చింది. కానీ ఆ రోజు ఒక్కసారిగా… మా బ్రాంచ్‌లో అకౌంటెంట్ కొత్త నియమాలు పెట్టారు: రోజుకు కేవలం 5 గోల్డ్ లోన్స్ మాత్రమే ఇవ్వాలి. Non-home branch customers కి లోన్స్ ఇవ్వకూడదు. ఇవి ఎలాంటి పై అధికారుల ఆదేశాలు కాదు. ఇది పూర్తిగా ఆయన తీసుకున్న వ్యక్తిగత నిర్ణయం. దానికి గోల్డ్ అప్రైజర్ మురళి అన్న ప్రశ్నించారు: “ఎక్కడా లేని నియమాలు ఇక్కడ ఎందుకు పెడుతున్నారు?” అంతే కాదు… branch కి ఎందుకు నష్టం కలి...

మూడవ సంవత్సరం…

- April 20, 2026

నిన్న — ఏప్రిల్ 19, ఆదివారం. ఒక బ్లాగ్ రాయాలని ముందే అనుకున్నాను. దేనిగురించి రాయాలో ఐడియా కూడా ఉంది. కానీ… శనివారం ఉదయం నుంచే నా మనసు అస్సలు బాగోలేదు. ఉదయం బ్యాంక్‌లో నా కౌంటర్‌కి కస్టమర్లు కూడా ఎక్కువగానే వచ్చారు. రోజంతా ఏదో ఒక అలసట… అసహనం… కలిసిన ఫీలింగ్‌తో గడిచింది. ప్రతి శుక్రవారం బ్యాంక్ అయిపోయాక సాయంత్రం 4:45కి KT రోడ్‌లో ఉన్న సాగర్ అన్న సలూన్‌కి వెళ్తాను. ఈసారి మాత్రం శుక్రవారం కాకుండా… శనివారం వెళ్లాను. అక్కడి నుంచి… బ్యాంక్ పక్కనే ఉన్న VV మహల్ రోడ్‌లో, కళానికేతన్ ఎదురుగా ఉన్న Smile Dental Care కి వెళ్లాను. వారం రోజులుగా “వెళ్లాలి… వెళ్లాలి…” అనుకుంటూనే ఉన్నాను. చివరకు ఆ రోజు సాయంత్రం వెళ్లగలిగాను. గత సంవత్సరం ఏప్రిల్‌లో అక్కడే ఒక పళ్లకి రూట్ కెనాల్ చేసి, క్యాప్ పెట్టించుకున్నాను. అప్పుడు వాళ్లు — “ఆరు నెలలకు ఒకసారి క్లీనింగ్ చేయించుకుంటే మంచిది” అని చెప్పారు. ఇటీవల నాకు తెలిసిన వాళ్లలో చాలా మందికి పళ్ల సమస్యలు వచ్చి వేలల్లో ఖర్చు పెడుతున్నారని చూస్తుంటే… నా పళ్లను ఒకసారి ముందు జాగ్రత్తగా చెక్ చేయించుకోవాలి అనిపించింది. అదీ కాక… బ్యాంక్ పక్కనే క్లినిక్ ఉండటం, అక్కడ పని చేసే జూ...

Search This Blog

తిరుపతి మహేష్

Posts

ఐదో సంవత్సరంలోకి అడుగుపెడుతూ...

3 రోజుల వరుస సెలవులు... ముగిశాయి

4 సంవత్సరాలు...

పరమానందం... జూన్ 23, 2022

ఒక ముఖ్యమైన విషయం చెప్పడం మర్చిపోయాను...

నాయొక్క Income Tax Filing అయిపోయింది... మీది?

ITR Filing సీజన్ మొదలైంది... Income Tax Portal లో Login అయ్యి చూసారా?

వాసు చెప్పిన సినిమా... పదేపదే గుర్తొచ్చిన ఒక అమ్మాయి

మనసులో జరుగుతున్న పోరాటం...

కోవిడ్ సమయంలో కొనాల్సిన SBI షేర్లు... మిస్ అయిన ఒక మంచి అవకాశం..

ఒక వార్త... మళ్లీ ఎవరెస్ట్ గురించి ఆలోచింపజేసింది

ఈ మధ్య ఎందుకో...

ఆ విషయం నేను ఎలా మర్చిపోయాను...

అనుకోకుండా ఒకరోజు హైదరాబాద్ ప్రయాణం... “2021 హైదరాబాద్ ప్రయాణ జ్ఞాపకాలు”

ఒక అమ్మాయి అడిగిన ప్రశ్న

పెళ్లికి లక్షల్లో ఖర్చు పెడుతారు… కానీ కుటుంబం కోసం 500 రూపాయల ఇన్సూరెన్స్ మాత్రం భారంగా...

నాకు అర్థం కాని ఒక విషయం…... ఆ రోజు SBI share ఎందుకు పడిపోయింది?

ఈ కాలంలో ఎంతమంది తల్లులు అలా చెబుతారు?

ఆస్తి వచ్చింది… కానీ మనశ్శాంతి మాత్రం…

Happy Birthday to My Dear…... ❤️

వెనక్కి వెళ్లిన అడుగులు… మళ్లీ మేల్కొన్న జ్ఞాపకాలు...

Curiosity నుంచి Confidence వరకూ… నా ITR Journey...

తప్పు ఎవరిదైనా… చివరికి నష్టపోయేది మాత్రం...

మూడవ సంవత్సరం…